TOMOKO

Lagu iki,

aku kepengin amung kanggo sliramu

Lagu iki,

aku kepengin amung sliramu sing ngrungu

Lelayaran ing segara iki,

Mung nggon ku kepengin

Ketemu Sliramu ing wanci kang trep

Kanggo bebarengan lelagon lagu iki

Lagu asmara antarane aku lan sliramu

Tomoko... Tomoko..

ing ngarepku mung nggejejer

Pusaramu kang wus

Telung musim gugur kepungkur....

Tomoko.....

Lagu kang mligi tinulis

tumuju kanggo Sliramu iki

lagu kang nyandra kita sak kloron

ewa semono,

Sliramu saiki tan jumeneng

mula,

lagu iki lagu katresnan kang

kasep tinulis...

Tomoko,

katresnan iki,

mung karo Sliramu kepengin

tak ipuk-ipuk, rinabuk rasa-sih

dada iki, paribasane,

mung cumawis kanggo Sliramu

yen ta kepengin andhedhepe

ngenam rasa mulya.

lagu iki,

tak anggit kanggo gantine

sesupe kang wus nate tinagih.

ewa semono, Tomoko...

geneya Sliramu ndhisiki laku,

geneya Sliramu ninggalake aku

telung tahun kepungkur

kaya-kaya mung wingenane...

Tomoko... paran wartamu ?

 (Yoshi Ikuzo)

jolali nyeklik http://herbal-top.blogspot.com  mbok manowo diperloake.