Sugeng Riyadi Fitri 1433 H



Segeng Riyadin Bakdan, 1 Sawal 1945 Jawa.... Nyuwun Gunging Pangaksami



Monggo bilih wonten ingkang ngersaaken PROPOLIS utawi MELIA BIYANG, kawulo aturi NYEKLIK www.kdpbiz.com/?page_id=217 utawi langsung ngunduh formulir pendaftaranipun ing NGRIKI kangge nggayuh pemetu Rp 5,950,000 sedinten.

150 Abad Kepungkur



http://archivirtual.blogspot.com/2011/05/misteri-relief-candi-cetho-sukuh-dan.html



Begja kemayangan, ing sawijinging dina aku diundang ambek Pakdhe Bagiono melu teka ing "Diskusi Panel Budaya Bangsa Bahari" ing Libra Ballroom, Jakarta Executive Club, Sultan Hotel.

Lha lucune, sakdurunge aku entuk SMS undangan saka Pak Bag, kok ya aku iki mentas wae tuku buku "Kakawin Desa Warnnana Uthawi Nagara Krtagama" anggitane Prof. I Ketut Riana. Pas maca konsep NUSANTARA-ne Ki Patih Gajah Mada, eee onok SMS saka Pak Bag undangan iku. Mamula ya langsung wae tak iyani. 

Nah dina wingine, aku nang Gramedia ing Botani Square Bogor, klintong-klintong nemu buku judule: "Kerajaan-kerajaan Awal Kepulauan Indonesia dan Semenanjung Malaysia". Aha, isine akeh sing cocok, ning kudune diwalik. Sebab sing nulis priyayi Prancis, Paul Michel MUNOZ, kang mesthine pikirane utawa mind-set-é isih wong Lor, wong Eropa, kang wis kawit cilik nganggep nek asal-usule budaya iku saka Lor. Bangsa Nusantara kalebu Wong Jowo, jarene wong neneka saka Lor. Saka Vietnam apa piye ngono sing mangidul lewat Taiwan, Filipina, Sulawesi, Lombok, Bali, Jawa. Njut onok sing mengalor tekan Sumantrah utawa bablas mangulon tekan Afrika Timur. 

Nek miturut nalarku kudu diwalik. Dudu wong Jowo sing neneka saka Lor, ning Jowo sing nyebar nang endi-endi papan, terus kawin-mawin nang papan-papan mau dadi pirang-pirang suku bangsa sing onok empere ning akeh gesehe, utamane ing babagan bahasa. 

Lha saka para penyaji makalah (nara sumber) sing awan-e sesorah, ketoke mik makalahe Mas Radar Panca Dahana sing koyo-koyo memper karo sing dak entha-entha. Malah Mas Radar ngendika: "Kudu wani ngrombak kabeh sejarah dunia ngenani Nusantara".... Sebab sing dirembug dudu sejarah Nusantara 15 abad kepungkur ning 150 abad kepungkur. Ning yo iku, durung oleh bukti, sebab Mas Radar ora nulis 'sumber' pustakane. Utawa bukti-bukti kongkrit. 

Lha bar mangan, Mas Agung saka Yayasan Turonggo Seto, malah nganeh-anehi, nontonake foto-foto gambar relief candi Cetho ing Karanganyar. Ngendikane Mas Agung, "Sekitar 25000 sampai 17000 tahun yang lalu, bangsa Indonesia menguasai 2/3 dunia. Relief candi menunjukkan bahwa nenek moyang Indonesia

berhasil menundukkan bangsa-2 di Amerika Tengah, Sumeria, Cina, Eropa dan Afrika..." 

Weleh-weleh, sak mungguhna bener pangendikane Mas Agung, kudune Wong Jowo iki nate duwe kabudayan lan peradaban kang ngedap-edapi.. mik kari nggoleki carane nenek moyang Jowo mau bisa tekan endi-endi, numpak opo?  Sakliyane iku, Mas Agung uga ngendika yen kraton-kraton kang kasebut ing Babad Tanah Jawi, kaya ta: 'Giling Wesi', 'Medang Kamulan', 'Purwa Carita' ing tanah Jowo iki ora mik 'mitologi' ning bener-bener nate ono. Malah jare negara-negara ing pewayangan, kaya ta Hastina Pura, Magada, lan liya-liyane iku papan asline ya ing Nusantara utamane Jowo kene....

Ah, sak mungguhna bener.... artine sak suwene 100 abad iki, Nusantara bener-bener kepaten OBOR... malah saiki, malik dadi bangsa kang 'asor banget' merga kekungkung dening 'opo jare'... he he he he. Jarene wong Eropa, wong Jowo iku asale soko Cino Kidul, jarene Wong Eropa iku, wong Jowo diajadi agomo Hindu dening Resi Agastya... jarene, jarene, jarene.... ah embuh lah... 

Ki Denggleng Pagelaran

0819-31101719

http://www.propbiyang.net/

http://www.propbiyang.com/ 

Monggo sing ngersaake HERBAL TOP MARKOTOP, PROPOLIS lan MELIA BIYANG, dak aturi ORDER nang http://www.kdpbiz.com/?page_id=217. Formulir Pendaftaran biso diundunh nang KENE.

Wangine Swarga

mBah Soel (BS) muring-muring sebab, ponakane sing aran Lek Oein (LO) dumadakan tutup irung wektu BS ngomong nang cedhak raine. Olehe muring-muring iku rumangsa lagi nglakoni ibadah pasa lha kok dihina.

• BS: Le.. kurang ajar koen. Anggepmu apa, aku omong koen tutup irung?!
• LO: Sik tah Lek aja nesu dhisik tah. Sampeyan maeng isuk gak gosok gigi tah, sak bubare sahur utawa wektu wudlu kanggo subuhan?
• BS: Gosok gigi mbahmu iku. Wong pasa kok gosok gigi? Batal no?
• LO: Weh.. sing ngatur gosok gigi kanggone wong pasa iku sapa Lek?
• BS: Pokoke iku batal, sak enggak enggake mekruh.
• LO: Lha biyen apa kangjeng Nabi gak sikatan nek bar dhahar?
• BS: Nek biyen lak nganggo siwak?
• LO: O iya ding, siwakan. Lho iku lak mergane jaman biyen gurung usum sabun? Gurung onok Odol tah Peksoden. Mulane nganggo siwak. Malah nganggo ranting tanduran khusus tah Lek. Lha pitakonku, apa maeng Sampeyan siwak? Kok ambune blasss mblengeri abab Sampeyan.
• BS: Mesthine ya uwis Le. Ning lha aku iki lak wis tuwek, dadine sistem jerohan kik ya wis ndak fit maneh. Reaksine ya ngene iki Le...
• LO: Lha ning banget hare Lek. Ning apa ya ngene iki sing diarani wangine kesturi swarga Lek?
• BS: Ha yo embuh. Nek miturut ngelmu kadis kan pancen ngono iku. jarene ganda ababe wong pasa iku bakal dadi wangine swarga mengkone...
• LO: Lha iya Lek, lhanek wangine swarga ae saiki koyok ababe wong pasa, lha terus ambune nraka kaya apa?
• BS: Huuuuu.. senthit ki. Koen iku mbok ra sah njarak terus ngapa Le?
• LO: Lho beke malah kewalik, sing sakiki wangi-wangi reragat korupsi iku mengko dadi ambune neraka. Sing saiki gagah-gagah jumangkah mbelani agama iku mengko malah dadi slangkrahe swarga?
• BS: mBuh Le. Wong mik arep ngrasani sing ribut-ribut ing wulan pasa wae tukmu nglarani rasane wong tuwa. Nganggo nutup irung barang...

Monggo, kanggo mbebasna napas sing ora prayoga, bisa kanthi kumur-kumur larutan PROPOLIS, sing bisa panjenengan pesen kanthi rawuh ing KDPBIZ.COM

Ma'atology

http://johnfranc.blogspot.com/2011/01/prayer-for-egypt.html

Ing kalodhangan iki aku nulis MANGATOLOGI (saka tembung MA'AT) sing soko Mesir kuno. Ing Mangatologi aku kepengin ngerembug “sesembahaning” bongso Mesir jaman kuno nganti biso gawe piramida sing gedhene ora mekakat iku. Tulisan iki ugo ono sambung rapete karo rerembugan ngenani ilmu pengetahuan lan agomo.

Yo pancen ora maido yen wong ngrembug Mesir kuno, wis mesthi sing mencungul iku telung wacono, piramida, mummi lan aksoro hieroglif. Katelu-telune iku nek ditelesih kok yo onok sesambungane ambek sesembahane wong Mesir kuno sing sinebut Ma’at (iki nek nganggo carakan tinulis Mangat). Catetan: miturut poro ahli busono (panaliti kang nyinaoni penganggo kanggo nutup awak, jarene sing sepisanan gawe penganggon koyo T-shirt lan suwal (celono cekak) iku yo wong Mesir kuno, mergane Mesir kuno iku hawane panas lan lengas (lembab) lan akeh lemut, tur bongso Mesir kuno wis nemokake bahan kanggo gawe bakalan klambi, wis biso gawe bungkuse mummy.... Mesir kuno ora koyo saiki sing wis selot suwe dadi segoro wedhi, ning keporo tlatah kang ijo royo-royo akeh udan lan subur makmur. Mulane wong-wongane uga biso mikir lan ngeronce nalar nggoleki sesembahane, temah biso gawe bangunan “religius” sing sinebut piramida iku.

Hananging, opo to agamane wong Mesir kuno? Ora ono sing ngerti mergo angel digoleki. Mung sing cetho bongso lan budoyo Mesir kuno iku dadi ilang musno nganti boso lan agamane barang ilang mung amargo ditaklukake ambek bongso-bongso kang nggowo agomo anyar. Sepisan cinathet ing Torah, Injil, lan Qur'an digambarake yen rojo Pirngon iku kelem ing laut merah, naliko ngoyak rombongane Nabi Musa. Keno disanepakake yen budoyo Mesir jaman iku keno pengaruhe budoyo Hibrani tinggalane Nabi Ibrahim sing dipandhegani dening Nabi Muso lan Nabi Harun. Bukti patilasan agomo Hibrani iki malah tekan laladan Mesir kuno ing negarane Yosoa NgKomo ambek Robert Mugabe... Rwanda - Rhodesia.

Bubar iku, Mesir dijajah Romawi disambung karo owah-owahaning agomo bongso Romawi dadi Kristen kuno. Agomo Kristen iki temahan nganti biso ngremboko ninggal patilasan ing Ethiopia sing biyen diarani negoro Ngabesinia sing salah siji rajane kepingin ngelun Mekah mbarengi karo wiyosane Kanjeng Nabi Muhamad. Bar panguwoso sing agomo Kristen, Mesir dijajah panguwoso Islam ing Damascus lan agamane wong Mesir tekan saiki sing akeh Islam.

Ing cathetan sejarah peradaban dunia, sok bongso opo sing njajah bongso liyo sing bedo agamane iku biasane ngubah papan-papan keagamaan dadi papan keagamaanne. Contone yo Mesjid ing Istanbul Turki, Gereja ing Andalusia, rusake Patung Budha rasekso ing Afghanistan... nganti patung-patung kuno ing pulo Jowo sing podo rusak utawa ilang sirahe.... Mung gandheng sing ono iku Piramid, yo ora diowahi... mbok menowo ora cukup tenagane kanggo ngrusak Piramid, kajobo njupuki barang-barang ing njerone.

Nah, saiki ngrembug Ma’at. Meh podo karo bongso Jepang sing neneko, bongso Mesir kuno iku duwe pirang-pirang dewo sesembahan. Mung dewo-dewo iku wis undho-usuk koyo satataning negoro (iki meh podho karo kapercayan ing Cina). Dewo-dewo iku duwe pakaryan dhewe-dhewe, duwe panguwoso dewe-dewe lan uga sok-sok digambarake sak karepe dhewe, koyo dewo-dewo ing Yunani kuno.

Dadi dewo-dewo iku digambarake koyo dene manungso. Ono sing bludregan, ono sing sabar, ono sing lucu lan sak panunggalane. Sing cetho dewo-dewo iku ora nguwasani jagad, isih ono Moho Dewo sing duweni lan ngatur jagad. Dewo paling dhuwur iki malah digambarake nganggo wewujudan “kenya-kembar” ning njawiji sing tanpo pamrih opo-opo, ngatur isen-isening jagad.

Dewo/dewi kembar ning nyawiji iki dijenengi Ma’at kang maknane “Bebener” lan “Aturan” (Truth and Order). Ma’at iki dipercoyo sing ngatur kabeh titah lan tumitah nganggo aturan lan bebener, temah ngasilake jagad sak isine kang sarwo klop, setel, lan timbang. Dadi mbalah wong Mesir kuno iki nganggep yen jagad royo (universe) iku umpomo diarani papan mujudake papan kang luwih dhuwur tinimbang sadhengah papan, mujudake paran kanggo kabeh kang tumitah. Jagad royo kanggone wong Mesir kuno keporo dianggep papan kang “lumrah” lan biso dinalar (the rational place). Jagad royo lumaku kanthi cokro manggilingan nganggo aturan kang wis dumadi, trep lan ora mbalenjani.

Jagad ora bakal mbalenjani lan lirwo karo aturan lan bebener soko Ma’at. Bebener lan aturan Ma’at diparingake marang Jagad lan biso diwoco dening manungso sarono “boso kadewatan” sing tinulis sarono gambar lan pralambang. Manungso biso moco amargo duwe akal lan nalar (ah dadi eling isen-isene surat al-‘Alaq, yen jarene Gusti Allah iku ngajari manungso sarono ‘kalam’). Dadi iman iku saranane nalar lan akal, ora mung pokoke percoyo thok. Sabab iman mono ora mung waton percoyo, ning kapercayan sarono akal, kapercayan kang mowo alesan lan biso dinalar (the reasonable faith). Coba kito gatekake kedadeyan-kedadeyan ing ngisor iki.

Wong Mesir kuno nganggo nalar lan akal iku nemokake Ma’at. Kanjeng Nabi Ibrahim migunakake akal lan nalar nemokake Elly utowo Yahweh.  Ing jaman “seratus filsuf” (tahun 600 – 500 SM), wong-wong Yunani kuno nganggo akal lan nalare nemu Logos. Vidharmana Mahavira (599 SM) soko tanah Hindustan nemokake “The ultimate Soul’ sing dadi paraning kabeh kang duwe jiwo, paraning kamukswan. Meh bareng angkate karo Siddharta Gautama manggih Buddha. Ing tlatah Lu (Cina) guru Kung Fu-tzu klumpuk-klumpuk pustoko ngajarake kawicaksanane wong ngaurip. Bareng angkate ambek Nabi – nabi ing Hibrani sakwise Kanjeng Nabi Sulaiman surut.

Sing cetho tinggalane poro paramporo jaman “seratus filsuf’ iku lahir amargo ono tingkah kurang prayogo saka poro panguwoso agomo ing papane dhewe-dhewe. Ing Yunani kuno lagi manther-manthere crito babad lan mitologi sing ora tinemu ing nalar, ning wong-wong kang sugih omong lan umuk biso kuwoso nganti ngaku-aku utusaning dewo.

Ing Hibrani gonta-ganti panguwoso sing tansah nindhes kawulo. Ing Hindustan agomo Brahmin wiwit gawe panguwoso-panguwoso agomo sing kejem lan ora tinompo ing nalar. Sing kuwoso mung wong sithik kang ngaku golonganing Brahmono, utusane Brahman ning ngisep poro kawulo lan pidak pejarakan. Ing Cina mengkono ugo ritual-ritual wicaksono wis pating blasur amargo pimpinan-pimpinan agomo sak karepe dhewe gawe odo-odo njalari negoro tansah ondar-andir, amargo manungso wis ngglewar soko T’ien lan lali marang Shang Ti..

Ma’at ditemokake dening bongso Mesir kuno ewonan tahun sakdurunge wiyosane Iyasa (Yesus) ning isine ditemu maneh karo bongso Yunani, karo Guru Kung, Siddharta lan Mahavira. Lan ing salah siji isine piwulange Sang Iyasa ono tetembungan: “Sak durunge ono sing ono iku Logos, lan Logos iku anane jalaran Gusti Allah... lan sak piturute....”

Udokoro 610 tahun sak wise Sang Iyasa lahir, Kanjeng Nabi Muhammad nompo dhawuhing Gusti Allah kang supoyo “moco”. Ning moco opo? Mesthine poro sedulur biso nglanggati nganggo pepanci  maknaning ayat sing koyo mangkene:
QS 96: al-‘Alaq:

1. Wacanen nganggo kekanthen asmaning Pangeran kang nitahake 
2. nitahake manungso soko ‘alaq’ 
3. Wacanen, lan Pangeranmu iku Moho Murah 
4. kang ngajari Manungso sarono KALAM 
5. Panjenengane ngajari manungso opo-opo kang ora dimangerteni 
6. Ngertenono yen manungso iku seneng ngluwihi wates 
7. jalaran rumongso sarwo ora cukup
8. Sak temene yo mung Pangeranmu kang pinaran balimu ing tembe.

Lho, nek ngono iku harak sarwo trep lan runut. Ono Ma’at ing Mesir, ono T’ien ing Cina, ono Logos ing Yunani, ana Dharma lan Sutra ing India. Akhire ono Kalam ing ajarane Nabi Muhammad. Kabeh pinarcoyo kudu sarono nalar lan akal. Ora mung waton manut ing panguwoso agomo. Uga ora mbedak-mbedakake agomo, kabeh manungso ing sak lumahing bumi wiwit jaman kuno koyo-koyo tinuntun dening kang Murbeng Dumadi, nemu lan mercayani sawijining sesembahan.

Nuwun.

=====
mBah SoeL
====================================
Suradira Jayaningrat Lebur dening Pangastuti

Sing ngersaake PROPOLIS lan MELIA BIYANG biso rawuh ing www.kdpbiz.com/?page_id=217

LUPA

http://www.sangbaco.com/2011/12/karena-kita-sama-sama-pelupa-tak.html

Kliwir adik Klowor sudah besar. Sudah masuk sekolah SMP. dan sudah berani mengeluarkan hak interpelasi dan hak angket di keluarganya.Hak interpolasi ditujukan ke 'emak'-nya, Saropah, "Mak jualan jamu gendhong botolan itu harus jelas lho, botolnya bolehnya beli dari mana?"

Hak angket ditujukan kepada bapaknya, Mat Pithi, "Pak, hasil usaha tarik becak Bapak harus jelas lho pembagiannya. Hayo yang buat jajan SOTO SULUNG tiap hari berapa? Yang untuk makan di rumah berapa? Harus rinci dan jelas, Pak...!" Dah pokoknya Kliwir memang cerdas. Kecerdasan dan keberaniannya mengeluarkan OPINI melebihi KLOWOR dan para pengamat yang sering tampil di TV. Cuma ya itu kelemahan Kliwir adalah PELUPA.

Suatu hari pas mata pelajaran Bahasa Indonesia, Kliwir ditunjuk Pak Guru (PG) maju ke depan untuk membacakan ringkasan cerita karangan tugas dua minggu sebelumnya. Yaaah, memang Kliwir Mat Pithi Putra ini jagoan dan berani berdebat dengan PG:

• "Kliwir, ayo bacakan karanganmu!"
• "Lho, kok saya, Pak?"
• "Lhaaah, minggu lalu kan sudah Bapak pesan, kalau hari ini giliran kamu membacakan karangan?"
• "Wah.. lupa Pak?"
• "Lho kamu kan sudah diajari sama Pak Koya, tentang administrasi. Semua kan perlu ada catatannya"
• "Iya, memang Pak. Tapi sekarang saya benar-benar lupa"
• "Apa kamu tidak punya catatan harian?"
• "Punya, Pak. Sesuai ajaran Pak Koya" 
• "Kenapa kamu tidak ingat kalau pada hari ini giliranmu membacakan karanganmu? Apa coba isi atau hal-hal yang kamu catat di buku catatan harian"  (Guru Bahasa Indonesia Rek, ngomongnya ya begitu, menggunakan bahasa Indonesia yang baik dan benar)
• "Justru di situ letak masalahnya, Pak! Saya memang selalu mencatat apa-apa yang perlu, termasuk bila ada rencana, janji, jadwal pelajaran minggu yad, dsb. Soalnya saya kan pelupa." 
• "Lha iyo..terus kenapa bisa lupa?" (sorry pak guru ketenta basa jawa)
• "Maaf pak.... waktu itu saya lupa membawa buku catatan harian itu. Dan tadi pagi lupa pula membawanya..."

[kenang-2an ribut-ribut Century..]

Monggo sing ngersakake pesen HERBAL AJAIB, PROPOLIS lan MELIA BIYANG, enggal rawuh ing www.kdpbiz.com. Kula aturi ngunduh formulir pendaftarane, isi, terus kirim nang denggleng@yahoo.com utawa stokis@probeyoung.com

TULI

Ada oma ke gereja dgn cucunya, pada saat perjamuan, karena oma sudah tua umurnya 101 thn, jadi pendeta lah yang antarkan itu anggur ke kursi oma.

Abis itu oma minum anggur perjamuan,
Pendeta : “Bagaimana Oma bisa berumur sampe 101, gimana caranya, tolong kasih tahu?!?"

Oma : "Haaa??? Apa...>"

*Karna oma tidak dapat dengar, cucunya yang membisikkan pada telinga oma

Cucu : “Oma... pendeta ada tanya, bagaimana Oma bisa berumur panjang dan bagemana caranya?"

Oma : “Ohhhhh... Pak Pendeta kalo mau umur panjang musti dapat penyakit kayak Oma."

Pendeta : “Apa penyakit oma....??" :/

(*Cucu berbisik mengulangi pertanyaan pendeta ke telinga oma)

Cucu : “Pendeta bertanya lagi, apa penyakit oma ."

Oma : ”Penyakit oma adalah 'PONGO' (TULI... #:-s )"

Pendeta keheranan kenapa koq penyakit tuli Oma, bisa buat umur panjang?

Pendeta : ”Kenapa harus tuli Oma???" Setengah berteriak

*Cucu berbisik ulang pada telinga oma

Oma menjawab : ”Supaya kalau TUHAN panggil kita... kita tidak dengar....." >:/

TERSEDIA, Herbal top markotop untuk anti kanker dan awet muda: PROPOLIS dan MELIA BIYANG, harga hanya Rp 550,000 sepaket. Order segera, klik di SINI

Nggambar Segitiga (bahasa Indonesia)

Bu Guru: "Udin, coba kamu gambar segitiga sama kaki...!"


Udin: "Ah Ibu nih ngajarin yg gak bener aja sih.."

Bu Guru: "Udiin..?!"

Udin: "Asal Ibu tau yaaa, saya tuh gambar segitiga sama tangan aja masih, keliruuuu, apalagi sama kaki..! Yang enggak2 aja ibu ini..."

TERSEDIA, Herbal top markotop untuk anti kanker dan awet muda: MELIA PROPOLIS dan MELIA BIYANG, harga hanya Rp 605,000 sepaket. Order segera, klik di SINI

Sing Nemen Sopo?

Sore-sore keluarga Mat Pithi lagi ngeteh. Sinambi nonton tayangan kampanye ngguk TV sing gak mutu, (ngono jarene Klowor). Dumadakan Kliwir sing lagi kelas 3 SD kadingaren ngomong sambil mikir nang Bapake.

"Pak, sampeyan pancene pinter kok Pak, milih Simak?"

Mat Pithi bombong, Saropah mbabrak raine.

"Lho, opoko koen iku, Cung. Bayi ngurusi Pake sing milih Make?"

"Nek tak pikir-pikir sak kampung kene tambah kampung kono, kana, kana kae...ibuk-ibuk sing sak umuran Simak iku, mik Simak sing paling semok"

Saropah kudu ngguyu ambek alok: "Woooo, cah ra urus. Ketularan Pakmu yo? Bayi ngerti-ngertine 'semok'"

"Lho tenan kok, Mak. Mbangane mBokdhe Kimpong kae mbalah kelemon, njut Bu Carik kae masiya resikan ning lak keriput... hehehe!"

"Husssy... malah ngrasani wong liyo... lho njut yok opo? Ngerti tah Pakmu iki pinter milih gendhakan... hehehe..."

"Lha iyo, ning aku iki bingung malah nang Simak....!"

"Weee.... bocah kurang ajar, malah mbingungake Make... njut bingungmu nang endine?"

"Anu, Mak.... kok biyen Simak iku gelem ambek Bapak, ngono lho.....!"

Saropah/Mat Pithi: "Haaaaa? Semprul...!"

(Kliwir cepet-cepet mlayu metu ambek nyekakak.... weruh Pake ambek Make ngethungi sandal!)

mBah Soeloyo

Monggo lho sing kepareng arep mundhut Herbal Top Markotop: PROPOLIS lan MELIA BIYANG dak aturi rawuh ing www.kdpbiz.com

Rivitalisasi Sêni Gamêlan

Gamelan ing Relief Borobudur

Ono sawêtoro sing ngarani yèn gamêlan Jowo iku entuke amargo nggabung-nggabungake alat-alat musik maneko warno. Saka Arab, India, Cino lan liya-liyane. Ning aku malah khawatir yèn têrus kewalik. Kewalike, malah ndhudhah karawitan dadi sêni pêthilan. Ya iku têrus ono konsèr rêbab, konsèr gambang, konsèr kêndhang... malah têrus konsèr gong.... hehehe.

Sabab ngene, aku duwe pênêmu sing nylênèh ngênani gamêlan. Koyo sing wis nate daktulis nang milis jowo, yèn gamêlan iku 'variasine' nglumpuk nang Jowo gagrag mataraman (Jôgja-sôlô). Jarene para ahli gamêlan, yèn komplit sak pangkon (slendro-pelog) nganti sing riwil-riwil, koyo to 'kôcrèk' lan 'slômprèt' (sing nang reog Ponorogo kae) gunggunge piranti gamêlan iku ôra kurang soko 75 jinis. Nèk lêngkap karô sing nabuh lan sing uro-uro utowo sindhèn jangkêp, jare kudu diayahi ambèk sithik-sithike wong 125. Lha iki gèsèh bangêt yèn dibanding jinise kêsênian musical liyane.

Orkestra Eropa

Musik klasik Erôpa pancèn biso atusan jumlah pêmaine, ning sing dicêkêl pêrsasat akèh sing podho. Biôla wiwit sing cilik nganti sing selo... kabèh digèsèk. Slômprèt wiwit klarinèt nganti sing guêdhii kae prinsipe yo podo, disêbul. Ning nèk gamêlan, akèh bangêt jinise, arêpa yo akèh sing mèmpêr coro ngunèkake, sarono dithuthuk (pèrcusi).

Lha ing kene aku duwe pênêmu ngene isok lôrô-lôrône mlaku lan pêrlu panaliti sing imbang:

1. gamêlan ku mujudake 'gabungan' maneko warno jinis alat musik. 
2. gamêlan malah dadi sumbêre alat-alat musik.

Alat Musik SEBULAN

Pênêmu lôrô-lôrône iku tansah gawe bingung awakku dhewe. Pênêmu sing ongko lôrô mau sênajan ôra langsung wis daktulis grambyangan mbandhingake 'kemampuan' gamêlan mataraman kanggô gêndhing gagrag Parahiyangan nganti Bali, ning ôra biso suwalike. Ditambah manèh kanyatan sing saiki ono. Ing tlatah Vietnam ono piranti musik (mbuh jênênge aku lali), wujude koyo rêbab, mung 'wêtênge' cilik, mik koyo umplung wadah susu-mèlek. Wis mik nganggo alat siji iku njut dadi sêni musik Vietnam. Ning ing Cino alat siji iku dipadu ambèk piranti sing wujude koyo gitar ning kawate akèh koyo sitêr (sitêr iku jare soko India), têrus dicampuri piranti sing mèmpêr siter ning diunèkake sarana dithuthuk nganggo wilahan pring (sodo), dadi musik mandharin. Nèk digatèkake gamêlan ki kok nang tlatah liyane anane mik pêthil-pêthil.

Côntô manèh ing Korea ono piranti wujude koyo 'kêmpul', bônang lan kêthuk, ning thuthuke atos kabèh, dadi mik cêmêngkling unine kanggo ngiringi 'barongan' Korea.

Maneka Warna Gamelan

Ôra adoh-adoh ing tlatah Minang têkan Batak, mung kômanan piranti mèmpêr bônang. Sing nang tlatah Palembang ugo mèmpôr ning luwih lêngkap ono sing mèmpêr saron. Sing rodo lêngkap iku ing Dayak (utamane Banjar), jare biyèn sing nggowo dulure Patih Logêndèr sing Adipati Banjarmasin. Lha ono manèh sing mèmpêr jowo nganti têkan tarianne, yoiku ing Kamboja lan Thailand. Jian jôgètane lênthuk-lênthuk koyo bêdhoyo kae, ning iringane mèmpêr têtêmbangan Bali. Cêmêngkling gamêlane lan dhuwur njêngik pesindhène, rodok ôra cetha....

Iki ndhukung pênêmu nomor lôrô, sing unine, "Gamêlan iku asal-usule piranti musik ing Asia Kidul Wetan lan Asia Wetan." Ning sekaligus ndukung penemu ongko siji, sing unine, "Gamelan iku gabungan maneka warno alat musik lan sêni musik sing wis dijawakake." Contone jare rêbab iku asale soko boso Arab, sitêr soko dening 'sitar' (saka India, alat musike dewo Naradha), kêndang iku sing mèmpêr Jowo sak dônya mung kêndhange wong Burma têkan Bangladesh, ditabuh bongkot-pucuke. Dene kendhang sing saka India, ditabuh mik sêsisih, tur bêntuke nyêmpluk-nyêmpluk.

Nèk nuhoni pênêmu sing ongko siji iku janjane muni... "Budhoyo Jowo jaman biyèn nganti ngrakit gamêlan (karawitan) sing pênting biso ngganti 'thuthuk' sing sarwo atos dadi lêmbut lan unine ulêm, sêjatine iku 'puncake' sêni musik. Njut biyèn dadi sêni 'ndeso' iki malah hebat bangêt. Sabab ing budhoyo liyane, biasane sêni iku mik kanggô wong-wong bangsawan utowo para pênguluning agomo. Dene gamêlan bisa warata ing deso-deso koyo ing Bali (umpamane, lan aku duwe penemu ing jaman Majapahit mêsthi ing Jowo yo ngono iku.... gamêlan kanggo sarana manêmbah ing kutha nganti deso-deso, yèn nggatèkake rumus-rumusing têmbang lan gêndhing kang mujudake 'mantra'), artine janjane gamêlan wis dadi 'sukmane' budhoyo Jowo.

Karawitan Rodo Kumplit, nganggo sinden loro

Mulo yèn aku entuk usul ngônô, balèkno manèh pêlajaran boso Jowo ing pendidikan formal ning ojo di-biji koyo pelajaran matematika. Têgêse, pêrangkat budhoyo Jowo bali dadi pêrangkate 'pendidikan' dasar lan menengah. Yèn saben-saben sekolah dasar tumekane SMU duwe sak prangkat Gamêlan ngônô wae... dakkira bakal môncèr seni gamêlan iku. Lha wong dhasare jiwane wong Jowo iku wis ngejowantah dadi gamêlan kok... Iki yo pênêmu lhô... bênêr-lupute yo sumonggo.

Sing ngersaake Suplemen Top Markotop: PROPOLIS lan MELIA BIYANG dak aturi order liwat www.kdpbiz.com/?page-id=217

Paling Goblog sa Omah

[Gae kenang-kenangan nalika Pemilu Langsung Presiden sing Pertama - 2004]

Nonton pengumuman penghitungan suara nang koran, Mat Pithi, Kliwir, apadene Saropah cengingisan. Sebab calon sing dipilih kalah. Wong telu iku pancen milih Megawati.

Alesane Mat Pithi, sih jelas. "Biyen nalika isih 5 pasang calon wae milih Megawati kok, apa maneh mung kari rong pasang, gek gambare Megawati katut maneh..."

Alesane Kliwir rada mengsle. "Bu Mega iku rak mung pejabat presiden tah, sing 3.5 tahun wingi. Lha wong biyen dadine presiden rak merga siasate Sidang Istimewa MPR, sing di pandegani dening Pak Amien Rais sak wise pertemuan sembilan fraksi MPR/DPR, minus PKB tapi pakai PKB-Matori... Kamangka harak partaine Bu Mega iku pemenang pemilu 1999, eeee kok dadi kalah ambek calon sing saka non-partai.... Dipecundangi Poros Tengah. Mulane ben bisa bener-bener dadi presiden, aku milih Megawati, melok Bapak...."

Nek Ning Saropah, ya beteke mik siji iku calon presiden wanita, jarene mesisan gae "ngeprek"-na fatwa-fatwa sing jare presiden wanita iku haram. Malah bener haram, gak onok sing wani mangan... nek halal lak cepet entek".

Wis, iki alesan sing paling trondolo. Sangat bias gender jarene para ngelmuwan lan pengamat. Wong nang pikirane Saropah ki ya mik sederhana. Turna "gender" iku uga dudu perabot dan perlengkapan negara dan pemerintahan... Ya mung wae Sebagai rakyat biasa, wayahe kampanye ya nonton. Wayahe didaftar dadi pemilih... ya ndaftar.

Wayahe coblosan kon milih presiden, tur wis dicepaki pilihan loro, ya kari nyoblos salah siji. Pokok, jarene Saropah, negara iku pantese ya duwe presiden utawa raja. Lha gandeng negarane Saropah iku Republik ya wis, kudu duwe presiden.

Nah nek ngene iki mbuh merga wis entuk pendidikan politik saka para elite utawa mik mikir dhewe ya ra cetha. Sing baku keluarga Mat Pithi wis kaleksanan milih presiden langsung sing sepisanan iki sak jok Indonesia merdeka. Sakdurunge Merdeka?

Ya durung pernah, wong Indonesia ya durung ana. Sing ana lagi Kasunanan Surokarto, Kasultanan Ngayogyokarto, Kasepuhan, Kanoman, Banten nek nang Jawa nek liyane ya sak bajeg. Mulai ana bribik-bribik ya nalika tahun 1928, sasi Oktober, tanggal 28. Weeeh, sedilut engkas peringatan ya? Ning iku wae isih sering diwaca INDISCHE lho, ben ora ditabok bedil ambek kopral londo.

Ning kocapa bareng Klowor mulih malah nggeguyu kabeh wong sak omah. "Huuuu.... wong ki nek idiot, gebleg, goblog mesthi ya milih sing sejenis. Milih sing jarene wong-wong ya goblog. Mulane kalah kabeh pilihanmu, Wir, Mak, Pak... qe-qe-qe.."

"Lho, kurang ajar koen, Wor! Bapakmu iki mbok arani goblog? Kuwalat koen Cung!"

"Iya ki Kang Klowor ki jian ra sopan blas. Lha apa Kang Klowor milih SBY? Sing jare bar lulus doktor IPB iku.... ngono ya?"

"Sing milih SBY ki ya sapa? Calonku lak wis gak katut tah Wir. Calonku biyen nek gak Pak Amien lak Pak Wiranto, ngono... gae apa milih SBY sing wakile malah ketua KPPSI komite apa iku sing mburine Penegakan Syariah Islam iku lho... sing lasykare jeneng Jundullah, sing panglimane Agus Dwikarna iku lho...."

"Lho, apa dudu kuwi sing kok pengini, Le... Wor? Nek aku suwalike. Tetep milih Bu Mega, ben para kyai sing fatwa-fatwane nguawur iku mendem, ben SI iku gak nemen-nemen diterapna nang Indonesia kene..."

"Walah Maaaak... tetep ae gebleg nek milih Megawati... hahahaha....."

"Wah, jian anak situk iki, manaske ati. Lha koen sing pinter iku milih sapa se?"

"Wis tak sebutna, jagoku wis gak katut, merga wong-wong dha gak rasional. Aku golput, ngono lho.... wingi gak tak coblos, kertune muk tak lipet njut tak cemplungna kotak suara... hahahaha... gak ada yang pantas jadi presiden di negeri mayoritas muslim tapi pluralitasnya tinggi ini... ngono!"

"Weleh, hehehehe.... hihihi... kak-kak-kak... berarti sak omah iki sing paling goblog iku sampeyan, Kang. Huuu... wis golput, goblog!"

"Lho, kok bisa?"

"Sepisan sampiyan goblog, atene gak duwe pilihan nekat mara nang TPS. Ping pindone goblog, wis dicepaki pilihan mik rong kothak masing-masing isine gelungan-kupluk ambek kupluk-kembar, eee malah isih nggoleki sing gak kecantum..... ping telune.... sampiyan iku saking gobloge, surat suara sing saka kertas ae dieman-eman gak dibolongi babar blas.... hahahahaha!"

Mat Pithi + Saropah: "KLOWOR GOBLOOOOOOG"

--------------------------------------------------
Ishigaki 23 September 2004, gae pengeling-eling
Pemilu Presiden langsung sing sepisanan.
--------------------------------------------------

Sing ngersaake PROPOLIS lan MELIA BIYANG, monggo nyeklik http://kdpbiz.com/?page_id=217

Agamanipun Kucing Kula Napa, Kyai?

Browny wis Jenat...:-(

Kliwir (KI) ambek Klowor (KO) ngadhep ngabyantoro nang daleme Kyai Salam (KS) guru ngajine. Klowor nek ngundang Kyai Salam mesthi nganggo Ustadz utawa al-Mukarom Salam. Dene Kliwir pancet ae mik cukup Kyai utawa malah Eyang Salam.

KI: Eyang Salam, kula pikantuk matur?

KO: Ngawur wae, guru pengpengan, al-Mukarom kok mik diundang Eyang... padhakno sing nunggu sendang wae... Nggih niku Ustadz Salam, adikula Kliwir niku kok mbangeti sing Jowo.

KS: He-he-he... ya wis ben lah Wor, wong aku sing di arani ya wis legawa nrima kok. Mbalah nuwak-ke aku ta, ngundang Eyang.... Arep takon apa Wir?

KI: Lha nggih niku Yang, Kang Klowor niku kok le kami Araben. Kabeh-kabeh nganggo basa Arab.....
hehehe, mulane Aceh kae sing dikirim Gusti Allah malah wong Amerika, Cino, Jepang, Singapur, Ostrali sing Arab blas mik sithik. Pakistan wae muk udhu tenaga... Bek-beke GA khawatir nek ngirim Jibril ngalaihi salam utawa Mikail ngalaihi salam kawatir nek bisane mik bahasa Arab. Gak enthos basa liyane, lha pancen dikodratke ora entuk nganggo akal kok, Moloekat ki.... ngaten nggih Yang?

KO: Hus... kurang ajar Allah Subhanahu Wataala.... blog. Kok Gusti.... Nggih ngeten niku Ustadz, Kliwir niku agomo mesthi diothak-athik.... nganggo akal barang. Agomo niku rak nggih pun mantep to Ustadz... bun baku aturane pun enten, ngangge Syari'at al Diin... ngangge Fiqih... napa ngoten rak pun jangkep, Nggih Ustadz?

KS: Sik to Kliwir kok malah ora takon malah ngomentari Kakange? Yo bener Wor, agomo kuwi yo wis mantep wis sempurna mungguhing wong sing nuhoni. Wis ora ndadak diowahi.... ning nek nganggo akal lan nalar kuwi yo bener, wong akal ambek nalar kuwi kodrate Allah kanggo menungsa.

KI: Lho rak tenan to Kang... nggih niku Eyang sing ajenge kula aturaken. Kenging mboten migunakaken akal niku kangge agami?

KS: Lho lha nek ora entuk mesthine nang njeron al-Quran ora bakal Allah nitahake pitakonan: "Opo sira kabeh ora migunakake akalmu?" utawa dhawuhing Allah "supaya sira kabeh mikir..." utawa ayat 17 tekan 21 al-Ghaashiyaah. Menungsa dikongkon mikirake kepriye bumi di gelar, langit didhuwurake, "unta" (ana sing nyebut kuwi mendhung calon udan) diciptakake.. kepriye gunung-gunung didekake, Wor.... (Kliwir klecam-klecem, Klowor judheg gedhek-gedhek..... wah Ustadz Salam iki mesthi wis glenikan ambek Kliwir.... lho kok malah suudzan aku ya... astagfirullaaah.... Klowor njut nyebut taghfir.....)

KO: Lha ning lak wonten dhawuhing kitab yen sedayanipun niku kedah diwangsulkane teng Kitab napadene Hadits ta Ustadz, lajeng kula niki pinangka tiyang umum lak kantung samikna waathakna.... nurut miturut dhawuhing imam napa guru, napa nabi.....

KS: Lha iya... ning kuwi lak saka gurumu... lha gurumu biyen piye? Kowe rak ora ngerti? Umpamane kowe ngerti jaman cilikanku sekolah ngaji? Rak ora?
KI: Lha enggih nggih Yang. Lha lajeng Islam niku napa?

KS: Wooo, Wir nek mik maknane Islam ya pancen pasrah berserah diri.... ning jangkepe dilambari ambek Iman kanggo tumuju marang Ihsan. Sebab manungsa kuwi ginanjar kamardikan. Wenang milih ning uga wenang dipilih. Beda karo Moloekat, malah geseh maneh karo Iblis. Moloekat kinodrat sarwo becik, Iblis kinodrat elek-eleking makhluk.... ning kudu eling Iblis kuwi banget berimane ambek Allah, Wor. Lho opo memper? Wong makhluk elek-eleking elek kok malah beriman marang Allah?

KO: Lha niku rak empun dikersakaken dening Allah SWT?

KI: Lha enggih Yang.... kados umpaminipun Kucing Kula niku agaminipun napa Yang?

KS: Hehehehe.... mesthi kowe mikir nek kucing kuwi kinodrat pasrah marang ALlah to? Hehehe... ning ora diwenehi akal, mulane ya ngono kuwi carane kucing urip nglakoni darmane kucing. Nek basa arabe ya mesthi wae agamane kucingmu kae ya Islam....

KI: Wuik.... kek-kek-kek-kek... hahahaha... hehehe, lha napa nek tiyang agami mboten pikantuk ngangge akal niku njut mik sami sak derajat kalih Kucing..... heheh.

KS: Wah, ora mik kuwi Wir. Malah wong sing ora agomo kuwi bisa dibalekake marang papan kang luwih asor ketimbang muk sekedar kucing.... gatekna surat at-Tiin kae... malah sing dibalekake nang kono kuwi wong-wong beriman ambek beramal sholeh lho Wir.

Klowor mendelong.... kaget trataban terus nyungkemi Kyai Salam, terus njaluk ngapura marang Kliwir sing sering digoblog-goblogne... aja sampek dheweke diupatani Kliwir mik kaya KUCING.

-mbogor, 26 Januari 2005

Sing pengin bisnis MLM top markotop, monggo nyeklik: www.kdpbiz.com/?page_id=217

Rempela Faisal dadi Imam liyane Makmum

Kliwir anake Mat Pithi ancene apikan terus nasibe. Lulus SMU (Sekolah Mulai Uangel) Negeri Nguter, nyobak melok UMPTN gak mlebu. Sebel, wong ranking I kok USMI iku lho ndak gelem mara.

Makane terus tekad-tekadan golek gaweyan, ndaftar dadi TKI. Gak gelem nek mik nang Malaysia, mosok rek lulusan SMUNNg, mik dadi buruh perkebunan getah (karet). Nista ta ya? Mangkane iseng-iseng daftar nang Jepang. Eee ndilalah kopyah ketampa. Kliwir dadi Kenshuusei, alias pekerja magang. Statuse pelajar makane dadi anggota penambah kekuatan PPI-Jepang (Persatuan Pelajar Indonesia ngguk Jepang).

Kliwir ancene blater. Makane bisa kenalan ambek mBah Soeloyo sing rada kenthir lagi melok juragane nang Padhepokan Kyouyama. Kliwir sering mara nang omahe mBah Soel. Kebeneran, Kliwir ambek mBah Soel iku nek masalah daging ayam senengane padha, REMPELA. Wah, padhahal (kaya ngendikane Kang Alliq, jarene nek pelajar saka Indonesia iku nek nang negara liya sing duduk Islam agama mayoritase, tambah Islum (islam banget). Sing maune dek nang Indonesia gak ngaruh, nang Jepang dadi gawat. Contone mangan daging tah jajan ngguk Kentuckey Fried Pitick iku. Blas gak oleh. Jarene daging-daging nang Jepang haram, wong gak onok sing ndongani nalika mbeleh kewane. Lha yok apa sing ndonga, wong muni bismillah ae dadi BISU MIRRAAH kok, jagal jepang iku.

Eeeee, lha kok pas mendhayoh, mBah Soel tawa-tawa. "Wiir.. koen kangen tah ambek rempela. Iku Den Ragil masak rempela-ati.. wuuuuik enakeeee."

"Lho mBah, gak entuk. Rempela haram iku.."

"Sing kandha sapa?"

"Lho mosok seh, gak maca slebaran 'Halal Food' mBah?"

"Ya jelas maca Le. Malah iki ngono wis ditakokake nang kanca-kancane Den Ragil, sing sregep pengajian barang lho, ojok sembarangan koen."

"Lhah kan kandhane Ibrahim mahasiswa Mesir kae jare daging ayam apa maneh rempela sing mik ana nang super market iku lak haram!"

"Iya ae wong Ibrahim iku dagang daging pitik. Ben payu lak ngomong ngono. Nek gak ngono wong Islam nang Okayama kene dha tuku nang supermarket kabeh, Wir. Lebih murah tur seger!"

"Lha terus yok apa carane....."

"Hehehehee.... iki ngono mik akal-akalanku ae. Aja kandha-kandha nang Den Ragil ya. Nesu sida ngamuk engkok."

"Lha iya, akalmu yok apa mBah?"

"Aku minggu wingi pas melok Jum'atan 'nggethik' nang Faisal sing wong Malaysia tur ya dodolan daging pitik, supaya nyembeleh pitik 6 tah 7 ngono langsung, ojok mik tuku daginge saka Ibrahim ambek Saleem thok. Terus aku pesen rempelane."

"Terus?"

"Faisal gelem Wir. Malah aku dinehi rempela nganti 15 iji. Jarene wong Malaysia langganane gak gelem rempela. Dadine meh gratis. Ternyata Faisal untunge lebih gedhe nek mbeleh dhewe. Gak mik ngadolke daging saka Ibrahim tah Saleem"

"Lha iya mesthine lak entek no mBah. Kok nganti saiki kok isih?"

"Hahahahaa.. yo iki pengpengane mBah Soel. Akal Wiiir, akal.. Rempela 15 tak simpen nang kulkas, terus aku tuku rempela nang Supermarket. Saben sedina tak jupuk situk rempela saka Faisal, tak cemplungna nang Rempela Super Market.."

 



"Weeeeh.. ya padha ae, Haram mBah..moh aku.. tak aturne Den Ragil..."

"Aturna.. wong nang nggon kulkas ketoke Rempelane Faisal dadi imam... terus liyane dha makmum.. hehehee... "

"Apa sampeyan ngerti...."

"Lha apa kowe ya ngerti omong-omongane rempela.. sing penting percaya hahahaaa.... akal Wiir akal!"

"Huuuu.... agama kok digawe dulinan."

"Huuuuuu agama kok njawab masalah rempela ati ae gak isok...."

"Weeeeh iya ya mBah.. makane atene dadi Partai ya jeblog, atene dadi negara ya mblasur... bener beke mBah akal sampeyan sing kodo iku... hahahaaha.. yo wis, kene aku njaluk sangu rempelane Faisal 3 ae.. ben dadi Imam 3 minggu....!"

Sing pengin bisnis MLM top markotop, monggo nyeklik: www.kdpbiz.com/?page_id=217